من نحن؟

من نحن؟

هي كلمة ما نقدر نوضحها بسهولة ولكن بنحاول - قدر المستطاع- اننا نبين ما هي "نحن" لريادة الإبداع، اللي كانت بدايتها "شغف" ونهايتها نجاح لمسناه من عملائنا، وبما اننا منكم وفيكم عرفنا إن أغلبكم يبي يفصّل ووق جدران أو إنكم تركبون لوحات جدارية على مزاجكم وبالتصمم والمقاس اللي تبونه، هنا كان التحدي! كيف نقدر ننفذ رغبتكم وتكون الطباعة والتصميم والتنفيذ بالدقة العالية؟


القصة؟

بدينا نأسس خط الإنتاج عندنا وبحثنا عن أفضل مكائن الطباعة المتخصصة في هذا المجال، ولقينا شركة EPSON وزرنا وكيلهم في الرياض وسوينا اختبار لجودة الطباعة والنتيجة طلعت خراااافية، دقة طباعة الألوان فيها ما تمزح الصراحة ويوم سألنا عن سعرها طلع السعر خرااافي بعد يكسر الظهر، اجتمع فريق ريادة الابداع مع بعض وقمنا نتشاور أكثر من مرة عن الطابعة وتكلفتها العالية، نشتريها أو لا؟ وإذا شريناها، هل في عملاء راح يهمتون بهذي الدقة العالية من الطباعة؟ لأننا يوم لفيّنا السوق لقينا طابعات أرخص منها بـ 5 مرات بس جودة الطباعة فيها عادية، واحنا من بداية المشروع التحدي عندنا كان إننا نقدم خدمة طباعة ورق الجدران واللوحات الجدارية بأعلى دقة ونبيعها للعميل بسعر منافس!.


التنفيذ؟

توكلنا على الله وشرينا الطابعة الخرافية وبعد ما دخلناها على خط الإنتاج بفترة بسيطة جتنا ردود فعل من العملاء كانت مرة رهيبة، خصوصا من أصحاب المشاريع الناشئة لأن الدقة العالية في طباعة ورق الجدران خلاهم يستخدمون تصاميم طباعتها صعبة على الطابعات العادية، مثلا: كثرت الطلبات على ورق جدران تصميم خشب لأن الطباعة طلعت مرة حقيقية وكأنه مركب خشب على الجدار ووفر عليه مبالغ تركيب الخشب الطبيعي والنتيجة طلعت حلوة ووفر على نفسه مصاريف ديكور، لأن دقة الطباعة عالية واعطت المكان لمسة جمالية وبسعر مرررة منافس، وفي منهم اللي حط على الجدار ورق جدران تصميم رخام وطلعت النتيجة ممتازة وعطت المكان لمسة فخامة وبسعر منافس جداً.


علشان كذا راح نستمر في رسالتنا اللي رسمناها في بداية المشروع، وهي تقديم ورق جدران ولوحات جدارية بجودة عالية وتصميم حسب الطلب، والحمد الله نفذنا حتى الآن أكثر من (58,000) متر من ورق الجدران وورق الكانفس الخاص باللوحات الجدارية، خدمنا فيها عملائنا من أصحاب الشركات والجهات الحكومية والأندية الرياضية ومحلات الديكور والمنازل والقصور في كافة أنحاء المملكة، والحمد الله وصل عدد متابعين حسابنا في الإنستقرام أكثر من 7200 متابع في وقت قياسي.